29. Mai 2025 Auffahrtszusammenkunft Anger Zwischenflüh

Organisiert durch die Naturfreunde Sektion Gwatt, Herzlichen Dank den Organisatoren und den Helfern.

Am Mittwuch wo mir sy ga zwägmache het das g’Rägnet oder besser gseit es het g’Schiffet was het ache möge, aber trotz däm hei mir die vorbereitige chönne träffe. Mir hei g’hoffet dass de a der Uffert nid grad dere wäg unerchant ache lat.U so isches gsy, am Donschtig am Morge hets scho no Wuuche gha aber g’Rägnet hets nüme.Am Uffahrt Morge hetme no di letschte vorbereitige troffe, u mitlerwile het sich d’Sunne z’vollem füregla. Langsam sy di Gescht i’troffe, mi het sich Begrüesst u ganz intresanti Geschpräch, sy z’gang cho. Its isch Zyt für z’Appero, as Wunder schöns Appero steit bereit für üser Gescht, der bi chame witer Ploudere u filicht no chli vo aute Zyte verzeue u schwärme.D’Bratwürscht sy ufem Grill u ds Salatbüffe wo üser Froue u Manne gmacht hei isch eröffnet.Es isch veiechli g’schnabuliert worde, u d’Gescht hei möge rüheme wie das gut sig. Dessär u Gaffi isch o vorhanden gsy, ganz veini Turte u Chüeche hets gha, Danke den Beckerinne u Becker. Its geiht’s hinger z’Schpiile, ganz luschtegi Schpiil si vorbereitet worde, ömu das wosi hei müesse a Turme Boue, het mi ganz luschtig düecht, es het i der Gruppe as guets zäme Schpiiu brucht.O as schetz Schpieu isch vorbereitet worde, das isch de no a ganz knifflige sach, d Anzahu vom Inhalt z’schetze, imene Glas hets Chärne u Same gha.Langsam wirds Zyt u di erschte Gescht tüe sich verabschide wiu z’Poschtouto nid wartet u de gits no setegi wo z’Fuess sy cho u o wider z’Fuess gö, o mit Velo sir ungerwägs gsy.So, no ufruhme u de isch di Uffartszämekunft scho Gschicht.Schluss volgerig: Im ganzen gseh isch das ganz a wunderschöne Alass gsy, es isch aus supper organisiert, es het gnue Häufer gha u ds Wätter het sich o ganz guet ghaute.Total Anwäsendi: 4 Sekzione vor Region Oberland, Sektion Oschtermundige u no d‘Sektion Schratteblick, total mit Ching u Chegu sy 69 teilnähmendi gsy. Ruedi